Nihoyat mavsumning navbatdagi filmi “Ichkuyov” ham premera qilindi. Komediya janrida suratga olingan ushbu film rejissyor Bahrom Yoqubovning to`qqizinchi filmi bo`ldi...
“Sarvinoz”, “Baxt uchun million”, “Zumrad va qimmat”, “Fotima va Zuhra”, “Sug`diyona”, “Romeo va Julyetta”, “Tashlandiq”, “Superkelinchak” va…
“ICHKUYOV”
Film voqealar rivojiga ko`ra boy, qaysar, biroz tarbiyasiz qizni yo`lga solish syujetlarini o`z ichiga oladi. Diyana Yagafarova bu gal ham bosh rolda.
O`zbekistonda xizmat ko`rsatgan artist Ra`no Yarasheva ham o`z rolini maromiga yetkazgan. Bu uning navbatdagi katta rollaridan biri...
O`zbekiston xalq artisti Murod Rajabov har galgi ampulasini saqlab qolgan holda namoyon bo`ladi. Garchi ayrim holatlarda doimiy “qolip”iga tushib qolganligini hisobga olmasa, filmni ushlab turuvchi “nuqta”lardan biriga aylangan...
Diayana Yagafarova... Bu qiz endi rosmana aktrisalar qatoridan joy oldi desak, yanglishmaymiz. Negaki, u bu gal o`z obrazini maromida ijro eta olgan. Uning hamkorini esa Adiz Rajabov talqin etgan. Har ikki ijodkor ham tomoshabinnig olqishiga sazovor bo`ldi.
Premeraga barcha yig`ildi. Komediya va kulguga boy ushbu film kimgadir yoqdi, kimgadir yo`q. Hozir bunga e`tibor qaratmaymiz, biroz keyin esa tomoshabinlar fikridan kelib chiqqan holda unga qaytamiz.
